www.bankofamerica.com

Bank of America-ն ֆինանսական կոնգլոմերատ է, որը ֆինանսական ծառայությունների լայն շրջանակ է մատուցում ԱՄՆ-ի մասնավոր և իրավաբանական անձանց: Bank of America-ն ակտիվների թվով ԱՄՆ-ի խոշորագույն բանկային հոլդինգային ընկերությունն է, Forbes-ի տվյալներով զբաղեցնում է 23-րդ տեղն աշխարհի խոշորազույն ընկերությունների շրջանում: Ընկերությունը գործում է ԱՄՆ-ի բոլոր 50 նահանգներում, ինչպես նաև 35 այլ երկրներում, ունի 4700 ստորաբաժանում, 213 000 աշխատակից և 16 000 բանկոմատ, գրանցված է Դելավեր նահանգում:

www.ubs.com

Խոշորագույն շվեյցարական հոլդինգ է, որը տրամադրում է տարբեր ֆինանսական ծառայություններ ամբողջ աշխարհում. Բանկը գրանցված է Ցյուրիխում, այնտեղ էլ գտնվում է նրա գլխամասային գրասենյակը:

2011թ.-ին G20-ի Ֆինանսական կայունության խորհրդի կողմից (Financial Stability Board) UBS-ը ներառվել է աշխարհի 29 համակարգային նշանակություն ունեցող բանկերի ցանկում, ինչի կապակցությամբ UBS-ը ենթակա է հատուկ վերահսկողության ռեժիմի և սեփական կապիտալի հարցում պարտավոր է համապատասխանել ավելի խիստ չափորոշիչների:

www.barclays.com

Մեծ Բրիտանիայի և աշխարհի խոշորագույն ֆինանական կոնգլոմերատներից է, լայնորեն ներկայացված է Եվրոպայում, ԱՄՆ-ում և Ասիայում: Կոնգլոմերատի գործառնություններն իրականացվում են Barclays Bank PLC դուստր ընկերության միջոցով, որն ակտիվների մեծությամբ երկրորդ բանկն է Մեծ Բրիտանիայում:

www.bnpparibas.com

Ֆինանսական է կոնգլոմերատ է, եվրոպական առաջատարն է բանկային և ֆինանսական ծառայությունների համաշխարհային շուկայում, այն, Standard & Poor's գործակալության համաձայն (ընթացիկ վարկանիշը՝ AA-), աշխարհի վեց ուժեղագույն բանկերից մեկն է: Բանկի կենտրոնական գրասենյակները գտնվում են Փարիզում, Լոնդոնում և Ժնևում:

BNP Paribas-ն իր ակտիվներով զբաղեցնում է վեցերորդ տեղն աշխարհի խոշորագույն բանկերի շրջանում:

www.db.com

Ֆինանսական կայունության խորհրդի տվյալներով, 30 կարևորագույն անդրազգային բանկերից մեկն է: Նրան են պատկանում առևտրային, հիփոթեքային, ներդրումային բանկեր, լիզինգային ընկերություններ և այլն, ունի 28մլն հաճախորդ, 2814 ստորաբաժանում (որոնցից 1845-ը՝ Գերմանիայում), բազմաթիվ մասնաճյուղեր, ներկայացուցչություններ աշխարհի 76 երկրներում (մասնավորապես՝ Նյու Յորքում, Լոնդոնում, Սինգապուրում, Սիդնեյում և Մոսկվայում):

Բանկն արժութային շուկայի խոշորագույն մասնակիցն է, մեծ նշանակություն է տալիս ներդրումային գործունեությանն ու սեփական արժեթղթերի թողարկմանը:

www.jpmorganchase.com

Ֆինանսական հոլդինգ է, որը ստեղծվել է ԱՄՆ-ի մի քանի խոշորագույն բանկերի ձուլման արդյունքում: Բանկի կենտրոնական գրասենյակը գտնվում է Նյու Յորքում՝ Մանհեթնում: Գործունեության հիմնական ուղղություններն են ներդրումային բանկինգը, մասնավոր անձանց և փոքր բիզնեսին տրամադրվող ֆինանսական ծառայությունները, առևտրային բանկինգը, ֆինանսական գործառնությունների իրականացումը և ակտիվների կառավարումը:

www.morganstanley.com

Խոշորագույն բանկային հոլդինգ է, որը պատկանում է ֆինանսական կոնգլոմերատների թվին: Գլխամասը Նյու Յորքում է: Հոլդինգն ունի գրասենյակներ ավելի քան 42 երկրներում, հոլդինգում աշխատում է ավելի քան 55 000 աշխատակից: Աշխարհում խոշորագույն բրոքերական բիզնեսի սեփականատերն է:

www.sc.com

Ֆինանսական ծառայություններ մատուցող անդրազգային կորպորացիա է: Ձևավորվել է 1969թ.-ին Chartered Bank of India-ի, Australia and China-ի և Standard Bank of British South Africa-ի միաձուլման արդյունքում: Կենտրոնական գրասենյակը Լոնդոնում է (Մեծ Բրիտանիա), գործունեության հիմնական տարածաշրջաններն են Ասիայի և Աֆրիկայի երկրները, առաջին հերթին Հոնկոնգը և Սինգապուրը: Standard Chartered Bank (Hong Kong) Limited հոնկոնգյան դուստր ընկերությունը հոնկոնգյան դոլարներ թողարկող երեք բանկերից մեկն է:

www.natwest.com

Մեծ Բրիտանիայի մանրածախ և առևտրային խոշորագույն բանկերից մեկն է։ Ստեղծվել է 1968թ.–ին Ազգային նահանգային բանկի (National Provincial Bank, հիմնադրվել է 1833թ.–ին` որպես Անգլիայի ազգային նահանգային բանկ) և Վեսթմինսթերի բանկի (Westminster Bank, հիմնադրվել է 1834թ.–ին` որպես Լոնդոնի կոմսության և Վեսթմինսթերի շրջանի բանկ) միաձուլման արդյունքում։
2000թ.–ից ներառված է Royal Bank of Scotland խմբի կազմում։ Խմբի հիմնական ներքին բիզնեսի «առանձնացումից» հետո բանկը դարձավ NatWest Holdings–ի ուղիղ դուստր ձեռնարկությունը։ NatWest Markets–ը ներառում է չառանձնացված ներդրումային բանկային ստորաբաժանում։ NatWest–ը Մեծ Բրիտանիայում «Մեծ քառյակի» քլիրինգային բանկերից մեկն է։

www.citigroup.com

Միջազգային խոշորագույն ֆինանսական կոնգլոմերատներից է։ Կոնգլոմերատի հիմքում Citibank–ն է, որը հիմնադրվել է 1812թ.–ին, այն ԱՄՆ–ի չորս խոշորագույն բանկերից է։ Ընկերությունը ստեղծվել է 1998թ.–ի ապրիլի 7–ին Citicorp–ի և Travelers Group–ի միաձուլման արդյունքում։

Բանկը կառավարում է ավելի քան 1,8 տրիլիոն դոլարի ակտիվ։ Citigroup–ն ԱՄՆ–ի գանձատան արժեթղթերի առաջնային դիլերն է։

www.xtxmarkets.com

Առաջատար էլեկտրոնային մարքեթ–մեյքեր է` քանակական կառավարմամբ, համագործակցում է կոնտրագենտների, բորսաների և էլեկտրոնային առևտրի հարթակների հետ ամբողջ աշխարհում` բաժնետոմսերի, արտարժույթի, պարտատոմսերի և հումքային ապրանքների շուկաներում լիկվիդայնություն ապահովելու նպատակով։

Մենք ապահովում ենք կայուն լիկվիդայնություն` օգնելով շուկայի մասնակիցներին ստանալ հասանելիություն տարբեր դասի ակտիվների լավագույն գներին, որոնց հետ աշխատում ենք` անկախ փոփոխվող շուկայական պայմաններից։